اللاعب عمران لوزا يكشف للصحافة الفرنسية على بدايتو مع المنتخب المغربي
اللاعب عمران لوزا يكشف للصحافة الفرنسية على بدايتو مع المنتخب المغربي
صحيفة فرنس بلو :
كيفاش عشتي الماتشات لولين ليك مع المنتخب المغربي ؟
عمران لوزا
” تزرعت فيا روح جديدة، شي حاجة مايمكنش نوصفها ليك، وشفتها أيضا فرصة ذهبية للمستقبل الكروي ديالي و كانستمتع بزاف فاش كنجي لمعسكر المنتخب المغربي ”
عمران لوزا
” بلاد كاملة ثيقا فيك ،وزيد عليها طاقم تقني كامل ، وخاصة ثقة المدرب وحيد ، لي عول عليا، هادشي ليعطاني الثقة فراسي وخلاني درت ماتشات مزيانين، حيت بصراحة كانت فرحان في التيران وداكشي بان في كورتي ” .
صحيفة فرنس بلو :
نقدرو نڭولو أنها بداية ولا في الأحلام مع المنتخب المغربي بالنسبة ليك ؟
عمران لوزا :
” شوف فاش كتعطاك الثقة، راه كولشي كيبان في التيران، وانا في حياتي عايش بهاد الطريقة فاش كيكون التبادل في الثقة، داكشي كيبان عليا، وفاش كتعرف أن بلاد كاملة معولة عليك حتى هيا، راه كتحط لي فجهدك بشكل طبيعي جدا ”
عمران لوزا :
” كنظن أني أخديت القرار الصحيح في التوقيت الصحيحة باش نلتحق بالمنتخب المغربي، ديما هاد القضية كانت فراسي، مع العلم أني فايت ليا لاعب مع المنتخب المغربي لأقل من 19 سنة ”
يذكر أن اللاعب عمران لوزا في يونيو إنتقل فريق نانت الفرنسي إلى فريقه واتفورد مقابل 10 ملايين يورو
