تصريح الركراكي وسايس في الندوة الصحفية قبل مباراة كرواتيا
تصريح الركراكي وسايس في الندوة الصحفية قبل مباراة كرواتيا
ويواجه المنتخب المغربي نظيره الكرواتي يوم الأربعاء المقبل 23 نونبر الجاري، بداية من الساعة الحادية عشرة صباحا، على أرضية
ملعب البيت بالخور، لحساب الجولة الأولى عن المجموعة السادسة من مسابقة كأس العالم قطر
2022
.
و سيرتدي “أسود الأطلس”، في قمته أمام كرواتيا، القميص الأحمر والسروال الأخضر والجوارب الحمراء، في المقابل سيظهر ياسين
بونو حارس مرمى المنتخب الوطني باللون الأزرق الكامل.
أكد وليد الركراكي بلي هو واللعابا فالمنتخب الوطني ما خايفنيش من كرواتيا، وقال بلي غادي يحترموهم وما يبالغوش فالثقة باش ما
يندموش.
وقال وليد الركراكي فالندوة الصحافية قبل الماتش: “غادي نحترمو كرواتيا حيث الى دخلنا بالفهمات غادي يربيونا غادي نلعبو
بالإمكانيات ديالنا وباللعب ديالنا وهادشي اللي كاين”.
وبخصوص سيناريوهات الماتش ضد كرواتيا قال وليد الركراكي: “خدمنا ميزان وعارفين شنو باغين نديرو”
غادي يكون عند حكيم زياش دور كبير فالماتش ديال غدا ما بين المغرب وكرواتيا فأول جولة من كأس العالم قطر 2022، دور كبير
وهادشي اللي أكدو وليد الركراكي الناخب الوطني وغانم سايس الكابيتان ديال ليكيب ناسيونال.
وليد الركراكي قال على زياش في الندوة الصحفية اليوم: “حكيم لعاب كبير كنتسناو منو يكون فنهارو، وعندي ثقة فيه وفرحان أنو رجع
للمغرب وغدا غادي يعطي اللي عندو وما خايفش يعطي احسن ما عندو”.
غانم سايس حتى أنا تايق فحكيم زياش وقال عليه: “حضور زياش مهم بزاف وغادي يعطي شي حاجة مختالفة وباللي فرحان مع
المجموعة وباللي تايق فيه يدير ماتش مزيان”
