سي عبدالسلام مدرب وجدة مطايف قبل ماليعب كونتر الرجاء
الروينة في مولدية وجدة، وهادشي فيه الضرب و المطايف، من بعد ما الضارب مدرب الفريق أسي عبد السلام وادو بالبونية
و بحسب راديو مارس، تشاد مدرب مولودية الجديد أسي عبد السلام وادو ، مع الشيفور ديال الكار ديال فريق الوجدي
وبحسب الراديو، الشيفور قيد بالمدرب و مبغاش يتنازل، على حقاش ضربو
و سبب المشكيل، هو أنه ملي وصلت بعثة الفريق الوجدي لمطار محمد الخامس، باش يهبطو الكاز، فين غادي يلعبو مع الرجاء الرياضي غدا، في ماتش الجولة 3, رفض الشيفور يخلي مدرب الحراس، يطلع معاه في الكار، على حقاش جاتو أوامر من الإدارة باش ميخليوهش يطلع، على حقاش باقي مامرخصش ليه يكون مع الفرقة و الفرقة مازال مادارت اللازم باش يكون محسوب على الفريق فشي تأمين إلى طرات شي كسيدا أو حادثة الله يلطف
هاد البلان متصرتش للمدرب الزماڭري لي صدق جابد على راسو النحل ملي تدخل الدرك الملكي لي كاين بمطار
محمد الخامس و هادشي بحسب راديو مارس
و كما كتشوف، وادو صور فيديو، كيتاهم فيه الفريق ديالو بالسابوطاج
